តុលាការសម្រេច​ឃុំខ្លួនអ្នកលក់អនឡាញ​ល្បីឈ្មោះម្នាក់​ ពីបទញុះញង់និងធ្វើឱ្យ​ខូចទឹកចិត្តកងទ័ព

ដោយៈ

Press Start Avatar

តុលាការ​សម្រេច​ឃុំ​ខ្លួនអ្នកលក់អនឡាញល្បីឈ្មោះម្នាក់ ដែលបាននិយាយប៉ះពាល់ដល់ទឹកចិត្ត​ទាហានជួរមុខនិងបង្ក​ការ​មិនសប្បាយ​ចិត្ត​ក្នុង​ចំណោម​មហាជន​។

យោងទៅតាមសេចក្តីប្រកាសព័ត៌មាន​របស់របស់​សាលាដំបូងខេត្តកណ្តាល កាលពីថ្ងៃទី​​១៥ ខែសីហា ចៅក្រមស៊ើបសួរបានសម្រេចឃុំខ្លួនបណ្ដោះអាស្ននជនជាប់ចោទឈ្មោះ ឆេង ស្រីរ័ត្ន ហៅ Love Riya  អាយុ៤០ឆ្នាំ ពីបទ​ “ញុះញង់ឱ្យ​មាន​ការរើស​អើង​និង​ធ្វើ​ឱ្យ​ខូច​ទឹក​ចិត្ត​កងទ័ព​” តាមមាត្រា៤៧២ និងមាត្រា៤៩៦នែក្រមព្រហ្មទណ្ឌ។

យោងតាម​សេចក្តីប្រកាស​ព័ត៌មាន​ដដែលនេះ​បានដឹងទៀត​ថា ឆេង  ស្រីរ័ត្ន​ បានប្រើគណ​នី​ទីកតុកនិង​គណនីហ្វេសប៊ុក​របស់ខ្លួន​ ដោយ​បាន​និយាយ​ពាក់ព័ន្ធ​កងទ័ពនិង​ការ​ប្រើ​ប្រាស់​ផលិត​ផល​របស់​ថៃ​ ស្របពេល​កម្ពុជា​និង​ថៃកំពុង​មាន​បញ្ហា​ជម្លោះព្រំដែន។

​​ក្នុង​នោះ​​ កាល​ពី​ថ្ងៃទី៦ ខែ​សីហា ឆេង ស្រីរ័ត្ន បានប្រើគណនី Tik Tok ឈ្មោះ លោកជំទាវឧញ្ញ៉ា ឆេង ស្រីរ័ត្ន lovery 999 ដោយអះអាងថា ខ្លួនមាន​បារមីផ្លូវ​ក្នុង​និង​បានបំពេញកិច្ចការ​ជូនជាតិមាតុភូមិរួចហើយតាំង​ពី​មិនទាន់កើតហេតុកើតរឿង និងនិយាយថា បានទៅដល់​កន្លែង​កងទ័ពខ្មែរគ្រប់តំបន់ គ្រប់ច្រកល្ហករហូត​ដល់​ប្រសាទតាមាន់តូច ប្រសាទតាមាន់​ធំ គ្រប់តំបន់មុំបី​។

នៅ​ក្នុង​ទិកតុកនេះ ស្រីរ័ត្ន ​បាន​និយាយ​​ថា “​ដោយសាតែមានរូបខ្លួន ទើបព្រះបិតាព្រះមាតាគាត់យាងចេញទៅការពារ ហើយក៏មានការប្រយុទ្ធគ្នា ផ្លូវក្នុងមានមុនរួចជាស្រេច ប៉ុន្តែ​មិនអាចនិយាយប្រាប់គ្រប់ទង្វើដល់ពុកម៉ែបងប្អូនជាប្រជាពលរដ្ធខ្មែរបានទាំងអស់ទេ”។ 

នៅថ្ងៃទី១៣ ខែ​សីហា ស្រីរ័ត្ន ប្រើប្រាស់គណនីហ្វេសបុកផ្លូវការបស់ខ្លួនឈ្មោះLove Riya បានធ្វើកាផ្សាយផ្ទាល់និយាយរយេះពេល៣នាទីថា នៅតែគាំទ្រផលិតផលថៃដូចដើម ហើយ​បើ​នៅ​មានសិទ្ធិទិញយកមកបាន ខ្លួ​នឹង​នាំចូលមក មិនថា នរណា​ចង់និយាយបែបណាក៏ដោយ។ ស្រី​រ័ត្ន ​ថា« ខ្ញុំយកមកលក់បាន ខ្ញុំនៅតែយកមកលក់ ហើយបងប្អូនមានសិទ្ធិទិញឬមិនទិញ ខ្ញុំមិនចេះបុកហោប៉ៅទេ ហើយមិនចាំបាច់ណាគេនិយាយថា ឈប់ប្រើយរបស់ផ្ទះ២ ៣ ៤ ៥ ខ្ញុំ​អត់ខ្វល់ទេ“៕​

អត្ថបទគួរឱ្យចាប់អារម្មណ៍